“Radio-Televiziya Yayımı və Peyk Kommunikasiyası” MMC

1. Vəzifənin adı

Elektrik mexaniki

2. Vəzifə kateqoriyası

Texniki–icraçı

Hesabatlılıq

Hesabat verir: Sahə rəisinə

3. Vəzifə funksiyaları

(Vəzifə üzrə yerinə yetirilməsi tələb olunan müvafiq funksiyalar)

• Avadanlığın texniki vəziyyətinə və elektrik rejiminə sistematik nəzarət etmək.
• Texniki istismar qaydalarına uyğun avadanlıqlarda lazımi ölçmələrin aparılması, profilaktik və təmir işlərinin vaxtında yerinə yetirilməsi.
• İstismar-texniki sənədlərin vaxtında və düzgün aparılması.
• Növbənin qəbulu və təhvili zamanı avadanlıq və ölçü cihazlarının işçi vəziyyətdə olmasına nəzarət etmək.
• Ehtiyat hissələrinin, alətlərin və mühafizə vasitələrinin uçotunun aparılması, təhvil-təslim haqqında jurnalda müvafiq qeydlərin edilməsi və bu barədə stansiya cavabdehinə məruzə etmək.
• Texniki nasazlıq yarandıqda dərhal stansiya cavabdehinə məruzə etmək və avadanlığın işinin bərpası üçün tədbirlər görmək.
• Avadanlıq, cihaz və otaqları səliqəli saxlamaq.
• Əməyin mühafizəsi, təhlükəsizlik texnikası, yanğından mühafizə və sənaye sanitariyası qaydalarına riayət etmək.
• Müəssisənin fəaliyyətinin təmin edilməsi məqsədilə rəhbərlik tərəfindən verilən tapşırıqları, həmçinin qanunvericilik aktlarında və təşkilati-sərəncam sənədlərində nəzərdə tutulmuş digər vəzifələri peşə-ixtisas dərəcəsinə uyğun olaraq yerinə yetirmək.

4. Məsuliyyət səviyyəsi

(maddi-texniki, hüquqi, məxfilik və s. üzrə məsuliyyət)

• Maddi-texniki ziyanın vurulmasına görə — Azərbaycan Respublikasının qüvvədə olan əmək və mülki qanunvericilikləri ilə müəyyən olunmuş qaydada.
• Öz əmək fəaliyyətinin həyata keçirilməsi prosesində yol verdiyi hüquqi pozuntulara görə — Azərbaycan Respublikasının qüvvədə olan inzibati, cinayət və mülki qanunvericilikləri ilə müəyyən olunmuş qaydada.
• Maraqların qorunmaması, müəssisə daxili və müştərilər barədə məlumatların (kommersiya sirri), həmçinin sirr təşkil edəcək məlumatların və sənədlərin, digər məxfi məlumatların üçüncü şəxslərə çatdırılmasına görə — Azərbaycan Respublikasının qüvvədə olan əmək, inzibati, cinayət və mülki qanunvericilikləri ilə müəyyən olunmuş qaydada.