Full HD yayım

^51823BA47B6F13686C1F60757409BFA7E1DDFB75EB0CEDDCF8^pimgpsh_fullsize_distr
  Yaxın gələcəkdə ölkə ərazisində (ilkin olaraq Bakı şəhəri və Abşeron yarımadası ərazisində) Full HD TV yayıma başlanılması nəzərdə tutulub. Belə ki, Teleradio İstehsalat Birliyi Full HD yayım avadanlıqlarına malikdir və istənilən zaman, istənilən məkandan istənilən tədbirin HD və Full HD TV formatlı yayımını təmin etmək iqtidarındadır. Hələ, 2012-ci ildə Bakı şəhərində keçirilmiş “Eurovision-2012” mahnı müsabiqəsinin çəkilişinin Full HD formatlı canlı yayımı Teleradio İB tərəfindən həyata keçirilmişdir. O zaman, Bakı şəhəri və Abşeron yarımadası ərazisində müsabiqənin Full HD yayımını təmin etmək məqsədilə, “İctimai” televiziya ilə Bakı Teleqüllə Kompleksi (BTK) arasında “Evertz” avadanlığı quraşdırılmaqla, Full HD TV proqramının Teleqülləyə ötürülməsi təşkil edilmişdir. 48-ci TVk-da işləyən Almaniyanın “Rohde & Schwarz” şirkətinin istehsalı olan, 2,6 kVt-lıq gücə malik, DVB-T2 standartlı, HD yayım formatlı verici BTK-də quraşdırılaraq istismara verilmişdir. Nəticədə, “İctimai” televiziyanın proqramlarının Full HD yayımı həyata keçirilmişdir.  Eyni zamanda, Bakı şəhərində 105 MHs tezliyində işləyən FM verici, yeni HD formatlı FM verici ilə əvəz edilmiş və “Azərbaycan” radiosu ilə “İctimai” radionun analoq və rəqəmli-HD formatlı yayımı təmin olunmuşdur.
Milli Televiziya və Radio Şurasının 30 yanvar 2018 ci il tarixli, 02/3 saylı qərarına əsasən, Bakı şəhəri və Abşeron yarımadası ərazisində Azərbaycan Respublikasına məxsus ümumrespublika televiziya proqramlarının və TRT1 proqramının yayımının üç paketdə aparılması nəzərdə tutulduğuna görə, 37-ci və 48-ci televiziya kanallarında yayımlanan paketlərdə yerdəyişmənin aparılması və 31-ci televiziya kanalında CBC SPORT HD, Xəzər TV HD və ARB 24 TV proqramlarının yayımlanması təmin olunmuşdur.